点解有D人可以丰收到甘既程度。。。
有人问，乜野叫丰收，话说呢个系省实02届既暗语，泛指果D性格行为比较怪异既人，当然主要系指D黑人憎既行为。
睇来要整翻个丰收语录啦~当然仲有D丰收行为~
1，地点：HK，背景：出差，仲可能系长期既出差；
老细：大家辛苦D，捱下啦，应该无咩特殊情况要翻来挂？
丰收：我有。。。
老细：咩事呢？
丰收：来到这边要用WIFI上网，我胸口痛，顶不顺。。。

用WIFI用到心口痛，真系第一次听，又唔见距唔用手机？多旧鱼既~唔想做就唔想做啦！

2，地点：深圳，背景：都系出差，买生活用品果阵
我：点解你又唔买沐浴露又唔买香枧既？
丰收：我喜欢自然，从来不用这些东西的！

哇~呢条友同我训同一间房个啵。。。以后点顶。。。

3，地点：深圳，背景：都系出差，距洗衫果阵
条友洗衫，唔用洗衣粉，将D衫裤DUM晒落洗手盆度，直接稳水浸，跟住去睇电视。睇完电视，拿起件衫，直接用衣架挂出阳台。住左成个月，阳台个地下未干过。。。行过都要洗脚。。。

4，地点：深圳，背景：都系出差
丰收：哎，借我点钱用用
我：点解你翻左广州都唔带钱过来既？
丰收：出门在外，带那么多钱不安全的
我：甘你都带张提款卡过来啊嘛！
丰收：如果提款卡丢了，那不是什么都没了？
好彩距后面加左句：我一般出来只带信用卡，比较方便。
大佬，甘方便，你唔直接用你张信用卡去提款？明知出差都唔带D钱，摆到明系谂住异地取款要手续费，唔想蚀底。最初准备出差过来果阵老细就话不如将D钱转帐去距银行卡度（毕竟距系老我一年既员工），到时去到深圳都可以用。条友就推三推四，又话自己唔记得银行卡卡号，又话唔知点样去ATM拿钱，跟住老细先话将D差旅费用转落我度。

5，地点背景同上，距问我拿张CDMA网卡上网
丰收：哎，这东西怎么用啊？
我：插入部NOTEBOOK个PCMCIA卡槽度，跟住装左驱动，然后拨号就得嘎啦！
丰收：哪里有卡槽？
我指下距部NOTEBOOK旁边个卡槽
丰收：啊？这里可以插卡的吗？不是吧？
我成张卡插左入去，同距讲：装了驱动，你拨号就可以上网了
丰收：怎么拨号？
我：同用MODEM一样，拨号就得嘎啦！
丰收：我从来没试过上网要拨号的哦，都是人家给条网线我直接插就行的了！

唉，枉你仲系一个读通信专业既本科生，仲要从事左电信行业3年，居然连上网要点拨号都未知。。。摆到明大学四年就系混过来，做野都系混嘎啦！

越讲越火~工作上既野都懒得再讲距，做多我一年，拿既人工又高过我，水平低到同新员工差唔多（新员工都起码勤力肯做，距就明明唔识都扮专家“质疑”你一轮然后问翻你同样既问题），完全唔识自己主动去做野，净系旨意人地做个模版比距跟住距只要填两个数就完事，点解有D甘既人嘎？！同D甘既人一齐做野，仲要同埋一间屋度住（无办法，老细话成本要控制，只可以租间一房一厅既），真系忍得距好辛苦。。。

好彩，仲有一个月，已经同老细确认左做到7月底就可以结束呢个项目。出差我唔怕，我净系好怕对住个甘既丰收，仲要忍住唔发火同距一齐合作做野，我就快顶距唔顺啦！！！

一直都好羡慕省院既同学，有机会去海外出差，学到野不在话下，仲可以稳到唔少外快~
由我收到要去HK出差果一刻开始，我就有D兴奋，当然心情都系矛盾既~因为我实在放唔低我可爱既老婆~
3月头到而家，两个月啦~原来话一个月搞掂既项目，一拖就拖到今时今日~
据闻5月19号有得走，不过系唔系，就不得而知~呢D甘既消息，某大公司讲得太多啦，无一次系真既~
系呢边做野，都唔系话开心，某大公司一直用距地混乱既管理制度来意图“统治”我地，将所有系甲方受到既怨气10倍加码还落我地身上，我地一班设计佬（难听D讲句，系民工式既画图仔）系度简直就系血汗工厂里面既工人，工作强度大（距安排工作可以完全唔理你地死活），无人身自由（工作时间唔比讲野，甘既制度都够胆讲出口），管理者无人性（距地上班时间就系度睇电影，然后对我地讲如果你地唔开OT唔通宵既话就同人走人），不过系度起码我可以用翻自己既母语，我可以唔使长期讲煲冬瓜~呢样野反而可以平衡翻我既愤怒~
广州，已经逐渐趋向变成另一个深圳，一个移民城市~系广州，粤语既地位越来越低，甚至连个的士佬都可以疾你：“说普通话！”
虽然，可能有人话我系HK都系比人鄙视，因为始终都系大陆仔~不过语言上既亲切，我完全感觉唔到有人系度鄙视紧自己~或者我唔讲，都无乜人知道我系大陆人挂~
好奇怪，如果我见到两个广东人，明明距地系识得到讲粤语既，但偏偏距地要用煲冬瓜来对话，我会觉得好唔舒服，觉得好唔顺耳~同学话我对于粤语同广东文化既坚持，真系世界罕有~唔知系唔系我自己固执~我始终觉得即使全国推广煲冬瓜，各地都应该保留翻距地既方言，唔单止广东要保留粤语，我都希望潮汕地区一直会有潮州话，上海一直会有上海话，福建一直会有闽南话。。。。。。呢个先系56个民族融为一体既特色！
系呢度两个月，见识到好多野，除左工作上既，仲有生活上既~我见到好多我地既同胞所谓既素质~有时真系会为距地觉得面红~
开始明白点解某部分HK人对“自由行”无乜好感~
讲左好多题外话，其实我想讲既，我真系好挂住广州~好挂住身边既人~特别系我老婆~
每个星期，有难得既唔到24个钟时间逗留系广州（当然包括埋训觉时间），我地可以见面既时间实在有限~即使我用尽办法~系距翻工既地方附近等距放工一齐吃餐饭甘样~每个星期都只系可以见到距一个钟~想多都无啦~毕竟距都有距自己既野要做，我唔可以因为我好挂住距而要距唔做野来陪我~除此之外就系每晚例牌既煲粥时间~但其实我就真系唔系太中意煲粥咯~如果电话真系可以代替到一切，可以维持到两个人既感情，就唔会甘多异地恋都分手收场啦。。。我真系好想日日都有得见~可惜，呢样野无乜可能啦~
谂翻转头，好彩唔系比人派左去巴基斯坦，唔系比人派左去非洲~如果唔系，老婆跟左人走都未知咩事啊~我真系亲眼见到呢度既一个同事因为出差而无左个女朋友，最近两个月终日郁郁寡欢，日日借酒消愁，无晒心机做野，本来做紧一个项目组既组长，到而家系日日训系张床度望住个天花板发呆既“浪子”——我实在稳唔到形容词去形容距。。。。。。
仲有一直陪伴住我成长既广州足球~今年开LEAGUE甘耐我一场波都未睇过，即使电视直播我都无任何办法睇得到~就算有得DOWN，每个星期就得果几个钟系屋企，根本就无可能DOWN得到。。。只可以每日上网去下论坛，上下各大网站搜寻关于广州队既新闻~了解距地既近况~今日主场3-0赢左大连，可喜可贺！！！
最近两个星期，一直都眼眉跳~左眼~唔知点解。。。可能疲劳过度~我更加惊既系有咩事发生。。。系米健康出现左问题？
好想快D结束呢个项目~我要好好休翻几日假~陪下老婆~
老婆你都要比心机做你既论文啊！