前日，经过某人介绍，我听左一只叫《唱好广州》既碟，当然都系MP3来啦~据闻比较正，今日终于放左落我部MP3度听~
从来未试过听歌会听到甘有感触既，甚至我自己觉得有少少眼湿湿~作为一个土生土长既广州人，我觉得无乜理由对歌词所描写既野无感觉~
首先介绍下只碟先啦！
以下文字引自其它网站既资料：
全碟有十只粤语歌曲：《月光光照羊城》、《长堤1973》、《落雨大》、《广州好》、《中山纪念堂》、《落雨大》、《东方失乐园》、《凉茶王》、《西关小姐》、《亚洲的梦》
这张专辑收录了十首粤语歌曲，从题材、配乐、歌曲演绎都有了新的变化。其中包括《月光光照羊城》、《落雨大》等一些孩童时期耳熟能详的歌曲外，还有《长堤1973》，描述的是上世纪70年代的爱情故事，轻快的R&B节奏让人如沐春风；《百花冢》讲述了明
代广州的一个媲美梁祝的爱情故事，琵琶、二胡等中式乐器、古文念白配以慢板的R&B曲风，浓郁的古典味道可比周杰伦的《东风破》；《广州好》则是赞颂广州的美食文化；《中山纪念堂》讲述两岸兄弟情；《落雨大》《东方失乐园》怀缅时代变迁中的广州；《凉茶王》《西关小姐》都是以趣味的演绎来表达对广州地道文化的喜爱；《亚洲的梦》则是表达对将在广州举行的2010年亚运会和广州未来发展的热切期盼。"古今中外"的碰撞和糅合在《唱好广州》的歌中都有所体现。 

好~引用到此为止~
个人特别推荐《落雨大》、《月光光照羊城》、《广州好》、《东方失乐园》、《凉茶王》
《落雨大》讲述既系一个成长左既广州人既生活，作为一个普通既上班族，白天翻工要受老细气，稳食艰难，夜晚出来同班F唱下K，诉下心事。歌词仲引述左主人公大学期间既女朋友嫁左个有钱佬然后晒命既事，从侧面反映当今既广州社会有D女仔虚荣心几重既现象。其实本质都系四个字：稳食艰难。到最后，话比我地知，人比人比死人，钱，唔系最重要既~虽然同“广州”呢个主题睇落无乜关系，不过实际上就系当今既广州城市生活既一个缩影。
《月光光照羊城》讲既系而家广州既变迁情况，艇仔粥、鸡公榄呢D有广州特色既野，早就已经随风逝去，街边既叫卖声都唔系以往大家熟悉既果D声音，甚至听翻自己讲既广州方言，都觉得有D怪~呢个难道就系生我地养我地既广州？正如只碟既创作人所讲，而家系广州，坐的士几乎连广州话都唔讲得，去饮茶吃饭，叫埋单都要用普通话~见到甘既现实，其实有D觉得心寒嘎。。。虽然个人觉得推广普通话系好应该既一件事，因为要同全国人民沟通到~不过，都唔好抹杀左自己既方言同特色先得嘎。。。
《广州好》讲既就系广州既美食同埋特色啦！艇仔粥、虾饺、叉烧酥、面食、松糕、煲猪骨、杏仁露、炒螺等等既特色美食；沙面、河南等特色地方；讲古佬呢样甘有特色既人物~可以串埋系一只歌入面讲出来~真系服得距紧要~
《东方失乐园》讲既就系东方乐园当年既辉煌同今日既衰落，或者应该讲系一个已经不复存在既地方。曾经系我地细个好向往既一个地方，因为果度有好高既摩天轮、有双环过山车，仲有好多机动游戏，地方又好大，总之就系比较高档既一个游乐场所啦~不过旧年就已经执左咯~唔知系咩原因~旧年听到呢个消息都有觉得唔多开心~同一时期，都有另外一个广州既老字号——南方大厦要执笠~不过我就衬距营业最后一日去买左个须刨！呵呵~
《凉茶王》讲既都系广州既特色——凉茶啦！系呢个甘潮湿既天气就最适合啦！
总之讲到尾，就觉得听呢只碟非常有感触~希望每一个广州人都会同我一样啦^o^呢个城市既文化，需要我地去爱护同发扬嘎！